WILLEMSTAD, 23 di Mei 2013: Tur hende tabata den espera di e pelíkula nobo di “The Fast and the Furious 6” ku tabata tin su primisia djarason na The Movies. Pa e primisia di e pelíkula aki The Movies a organisá un pre-show di drift grátis pa públiko. E show tabata un éksito kompletu kaminda 8 diferente outo di drift ku hopi presishon i kontròl a show-off triki nan ku velosidat haltu i motor potente. Un di e outonan aki tambe a hasi su primisia ; Shell Helix Monster ku ta wòrdu manehá dor di Jayson Janssen. Monster Energy Drink huntu ku Shell Helix Ultra a sera kabes anto a saka e drift mònster aki riba pista.

Manera tur hende ta na altura Shell Helix tin un liña di zeta ku kalidat haltu ku e asina yamá teknologia adaptivo (”adaptive technology”) ku ta permití e zeta adaptá su mes físikamente i kimikamente na e nesesidatnan / sirkunstansianan di e motor ku ta kambia konstantemente. Dor di esaki bo outo ta haña un mihó rendimentu i un protekshon máksimo, konsekuentemente e motor ta funshoná mas efisiente i gasta ménos gasolin. Motor di un outo di drift ta eksigí hopi di e zeta, den e kondishon super ekstremo aki zeta Shell Helix ta adaptá su mes.

“Zeta Shell ta yuda tene bo motor limpi, e ta lubrika paden di bo motor pa evitá desgaste. Konsekuentemente bo motor ta funshoná optimal i asina Shell Helix ta yuda alarga e bida di e motor di bo outo. Bo outo ta un invershon grandi i bo mester kuid’é i ku tur dia ora bo start e outo bo tin e trankilidat ku e ta bon protehá ku zeta Shell.” asina Osvaldo Marchena Jr. a komentá.

Produktonan di Shell Helix ta optenibel na tur supermerkado, toko, minimarket, outoparts i pòmpstation. I aworakí na kompra di un di 2 bòter chikitu òf 1 bòter di 1 galòn di Shell Helix bo ta risibí un kupòn ku por wòrdu troka pa un tapasolo huntu ku bo resibu na Kuzeta N.V. situá na Seru Loraweg z/n òf na Rooseveltweg 64 . Probechá di e tremendo kampaña aki i haña e mihó rendimentu pa bo motor ku e produktonan di Shell Helix awe mes!

Pa mas informashon por tuma kontakto ku Kuzeta N.V. na number 747-2111 òf e-mail na sales@kuzeta.com