WILLEMSTAD, 20 di ougùstùs 2013: Kuzeta NV, distribuidor ofishal di e produktonan di Shell Helix, Meguiar’s i Automotive Art tambe ta un di e kompanianan ku lo ta presente na e di 4 edishon di Sound off & tuning competition ku lo tuma luga djasabra awor na parkeerplaats di MCB Saliña di 10 or di mainta pa 8 or di anochi.

Durante di e evento aki Kuzeta lo duna informashon kon pa kuida e motor di bo outo i lag’é kore mas efisiente ku produktonan Shell Helix ku hopi enfoke riba nan zeta Full Synthetic HELIX ULTRA. Lo tin demontrashon di produktonan di MEGUIAR’S pa loke ta kuido di bo exterior i interior di bo auto. I tambe lo tin informashon tokante e linja di AUTOMOTIVE ART ku ta un linja kompletu Europeo di kalidat haltu pa loke ta trata produktonan pa spuit outo.

Tur hende por pasa libremente na e 2 stentnan di Kuzeta. Eynan bo ta hanja tur informashon i por kontesta tur bo preguntanan tokante e porduktonan di kalidat haltu ku Kuzeta ta ofrese. I alabes bo por partisipá tambe den e rifa ku lo tuma lugá durante di e evento pa gana premionan fabuloso. Pa partisipá den e rifa ta fásil, djis yena e kupòn ku bo ta haña serka e tim promoshonal di Shell Helix òf Meguiar’s i depositá esaki den e tómbola na e stent di Kuzeta.

Tambe tur bishitante tin chèns pa gana diferente premio manera un servisio GRATIS pa kambia bo zeta di outo, un laba di outo GRATIS, petchi, T-shirt of un Tapa Solo na momentu ku nan saka nan potrèt na e outo di Shell Helix. E potretnan lo wòrdu di upload riba e página di Facebook di Kuzeta, i e potrèt ku mas “like” ta gana un di e premionan fabuloso aki.

Kuzeta NV ta kier a invitá un i tur pa bishita nan stent na di e tremendo evenemento di Sound Off & Tuning Competition djasabra awor na Parkeerplaats di MCB Saliña. Entrada ta grátis!

21-JUN-2013: Ku énfasis riba aplikashon i téknika di e produktonan di Automotive Art

Kuzeta NV a kulminá 3 dia di kurso pa spùit outo eksitoso