WILLEMSTAD, 21 di yüni 2013: Kuzeta NV, distribuidor ofishal di e produktonan di Automotive Art, resientemente a kulminá un kurso di 3 dia ku a wòrdu dediká pa train i “upgrade” tur doño, manager òf spùitdo di un garashi pa spùit outo. E kurso aki ku a wòrdu tene dia 18, 19 i 20 di yüni ku a pasa na e Training Center di Kuzeta NV na Seru Loraweg, kaminda e eksperto di e linja di produkto di Automotive Art, Peter Padmore, a bini speshal for di Barbados pa por dun’é e “Refinishing course” aki. Durante di e kurso aki no solamente a pone énfasis riba siña tur e kursistanan kon pa apliká e produktonan di Automotive Art riba e outo, pero tambe a mustra téknikanan kon pa hasi e trabou di spùit riba un outo mas efisiente, den ménos tempu pero tambe ku ménos uso di material.

Produktonan di Automotive Art ta un liña amplio di produktonan pa spùit outo ku ta konsistí di produktonan for di e preparashon ku e bodyfiller te ku na e kolo final. Loke ta distinguí e produktonan aki di Automotive Art ta ku e ta fásil pa uza mirando ku tin un “hardener i un reducer” ku ta wòrdu meskla den e primers, fèrf di kolo i tambe e clear. Automotive Art su kolonan meskla ta kuadrá hopi bon ku tur pintura original di fábrika i tambe tin un tremendo “dekkingskracht”. Automotive Art su produktonan a wòrdu diseñá usando e último teknologia europeo pa asina por duna tur garashi un solushon na un preis rasonabel.

“E interes pa ku e kurso aki tabata hopi bon, i tur kursista ku a atendé sigur a haña informashon importante kon pa apliká e produktonan di Automotive Art, téknika i tepnan pa asina fasilitá nan na momento ku nan ta trahando riba un trabou. Pero mas importante kon e produktonan aki ta baha bo gastunan dor di spùit un outo mas efisiente, ku ménos material i den ménos tempu”, asina Osvaldo Marchena Jr. a komentá.

Produktonan di Automotove Art ta optenibel na Kuzeta N.V. situá na Seru Loraweg z/n òf na Rooseveltweg 64 . Pa mas informashon por tuma kontakto ku Kuzeta N.V. na number 747-2111 òf e-mail na sales@kuzeta.com